โลกนีติปาฬิแปล_๕.๐ หมวดหญิง / อิตถิกณฺโฑ

Cr: ขอบคุณภาพจาก FB

๕. อิตฺถิกณฺโฑ
๙๔.
โกกิลานํ สทฺทํ รูปํ, นารีรูปํ ปติพฺพตา;
วิชฺชา รูปํ อรูปานํ, ขมา รูปํ ตปสฺสินํฯ
๙๕.
อิตฺถีนญฺจ ธนํ รูปํ, ปุริสานํ วิชฺชา ธนํ;
ภิกฺขูนญฺจ ธนํ สีลํ, ราชานญฺจ ธนํ พลํฯ
๙๖.
ตปสฺสิโน กิสา โสภา, ถูลา โสภา จตุปฺปทา;
ปุริสา วิชฺชวา โสภา, อิตฺถี โสภา สสามิกาฯ

๙๗.
ปญฺจ รตฺยา สุคนฺธพฺพา, สตฺต รตฺยา ธนุคฺคหา;
เอกมาสา สุภริยา, อฑฺฒมาสา สิสฺสา มลาฯ
๙๘.
หึ รมติ ปํ,
หํ รมติ โปกฺฯ
ถี รมติ ปุ,
ขุ รมติ ธํฯ
๙๙.
ชิณฺณมนฺนํ ปสํเสยฺย, ทารญฺจ คตโยพฺพนํ;
รณา ปุนาคตา สูรํ, สสฺสญฺจ เคหมาคตํฯ
๑๐๐.
ทฺวตฺติ-ปติกา นารี จ, ภิกฺขุ ทฺวตฺติ-วิหาริโก;
ทฺวตฺติ-ปาส-มุตฺโต ปกฺขี, กต-มายา พหูถรํฯ
๑๐๑.
ทุชฺชนํ ปหารา ทเม, มิตฺตํ ทเม อภาณิกา;
อิตฺถิญฺจ พฺยสนา ทเม, ราคินํ อปฺปโภชนาฯ
๑๐๒.
น รตฺติ วินา จนฺทิมา, วีจึ วินา จ อณฺณโว;
หํสํ วินา โปกฺขรณี, ปติํ กญฺญา จ โสภเตฯ
๑๐๓.
ปตินา ชนิโต โภโค, อิตฺถิยาว สํโคปฺปิโต;
ปุริโสว หิ ปธาโน, อิตฺถี สุตฺตํว สูจิยาฯ
๑๐๔.
สพฺพานที วงฺกนที, สพฺเพ กฏฺฐมยา วนา;
สพฺพิตฺถิโย กเร ปาปํ, ลภมาเน นิวาตเกฯ
๑๐๕.
วิวาทสีลึ อุสูยภาณินึ,
สมฺปสฺสตณฺหึ พหุปากภุตฺตินึ;
อคฺคนฺตภุตฺติํ ปรเคหวาสินึ,
นารึ จเช ปุตฺตสตมฺปิ ปูมาฯ
๑๐๖.
ภุตฺเตสุ มณฺเฑสุ ชนีว กนฺตินี,
คุยฺเห จ ฐาเน ภคินีว หิริณี;
กมฺเมสุ ปตฺเตสุ กโรติ ทาสีว,
ภเยสุ มนฺตี สยเนสุ รามเย;
รูปีสุ สิกฺขี กุปเนสุ ขนฺตินี,
สา นารี เสฏฺฐาติ วทนฺติ ปณฺฑิตา;
กายสฺส เภทา จ ทิเว ภเวยฺย สาฯ
๑๐๗.
สามา มิคกฺขี ตนุมชฺฌคตฺตา,
สูรู สุเกสี สมทนฺตปนฺตี;
คมฺภีรนาภี ยุวตี สุสีลี,
หีเน กุเล ชาตาปิ วิวาหฺยาฯ
๑๐๘.
สรทํ อุตุ กาลานํ, ภริยานํ รูปวตี;
เชฏฺโฐ ปธานํ ปุตฺตานํ, ทิสานํ อุตฺตรา ทิสาฯ
๑๐๙.
ยา อิจฺเฉ ปุริโส โหตุํ, ชาติ ชาติ ปุนปฺปุนํ;
สามิกํ อปจาเยยฺย, อินฺทํว ปาริจาริกาฯ
๑๑๐.
โย อิจฺเฉ ปุริโส โหตุํ, ชาติ ชาติ ปุนปฺปุนํ;
ปรทานํ วิวชฺเชยฺย, โธตปาโทว กทฺทมํฯ
๑๑๑.
อติกฺกนฺตวโย โปโส, อาเนติ ติมฺพรุตฺตนึ;
ตสฺสา อิสฺสา อสทฺธาติ, ตํ ปราภวโต มุขํฯ

อิตฺถิกณฺโฑ นิฏฺฐิโตฯ